التعليم فى مقاطعه كيبيك

بناء على طلب الاخوه الاعزاء بافتح الموضوع ده وحاضيف فيه معلومات عن مختلف مراحل التعليم فى كيبيك
لان الموضوع واسع جدا حبدا بمعلومات عامه ولو حد عنده سؤال معين يتفضل يكتبه وحاحاول اجاوب على قد علمى
لو فيه حد من الاخوه و الاخوات عنده معلومات يقدر يعلق على الموضوع فى أخر الصفحة " يكتب تعليق " و ان شاء الله هنرد علية فى أقرب وقت ...

انا حتكلم عن التعليم فى كيبيك بالذات لانى للاسف معرفش نظام المقاطعات التانيه
مراحل التعليم كالاتى
1- ابتداءي 6 سنين primaire
2-ثانوى 5 سنين secondaire 
Cégep 3-تلات سنين وتخد دبلوم او سنتين تخصص قبل دخول الجامعه
4- جامعهUnivesité 
تلاته او 4 سنين فى معظم الجامعات


الكبيبكين اللى اتعلموا هنا فى مدارس فرنساوى ملزمين يودوا اولادهم مدارس ابتداءي حكوميه فرنساوى او لو عايزين يدخلوهم انجليزى لازم يدخلوهم مدارس خاصه
لو الاب او الام اتعلم فى مدارس انجليزى يبقى من حقه يدخل اولاده مدارس حكوميه انجليزى او فرنساوى
بصراحه مااعرفش لو المهاجرين الجداد لهم الاختيار ولا لازم يدخلوا ولادهم فرنساوى

بالنسبه للسيجيب cégep
فدى مرحله بين الثانوى والكليه 
بما ان الثانوى هنا 5 سنين وبيبدا بعد الابتداءى(مافيش اعدادى) فبيبقى كان الواحد مخلص تانيه ثانوى من بتاعه مصر
بعد الثانوى بيبدا cégep اللى تعتبر يااما فتره تحضيريه للجامعه وفى الحاله دى بتبقى سنتين فى مواد معينه بتحضر لدخول كليه او ممكن الواحد يدرس فيها technique فى مجاله لمده 3 سنين ويتخرج بدبلوم 
ادى الرابط اللى بيدى كل التفاصيل عن ال cégep 
http://www.fedecegeps.qc.ca/index.php?section=13

وده رابط فيه مكان كل واحده فيهم
http://www.fedecegeps.qc.ca/index.php?section=14

نظام التعليم هنا مرن جدا(مثلا فيه كذا نوع شهاده فى الكليه مش بس البكالريوس و الطالب له الحق فى اختيار بعض المواد الخ) م ولذلك بيبقى اوقات صعب شويه يتفهم للى متعود على نظام التعليم فى مصر
فلو فيه اى استفسار عن اللى باكتبه ياريت تسالونى على طول

هل المدارس الدارسه باللغه الانجليزيه بقوة المدارس الدارسه باللغه الفرنسيه ؟ 
لانني سمعت معلومه سابقه ان المدارس الفرنسيه في كيبك اقوى للاطفال وكذلك الانشطه اكثر؟
.هل المدارس الحكوميه الانجليزيه يمكن الالتحاق بها بمصاريف ام لابد ان تكون مدارس خاصه للمهاجرين الجدد ؟ كام تقريبا ؟


لكل منطقه (ممكن تحتوى على كذا حى) فيه اداره مدرسيه commission scolaire
فرنساوى واداره انجليزى 
كل اداره من دول مسؤله عن مدارس الحى(ابتاءئ و ثانوى) للغه بتاعتها وهى اللى بتدى لكل مدرسه التمويل الخاص بانشطتها
الادارات دى بتاخد تمويلها من وزاره التعليم ومن ضريبه المدارسtaxe scolaire اللى بيدفعها اصحاب البيوت للحى
فكل ما يبقى الحى راقى واتمان البيوت فيه غاليه كل ما تمويل مدارس الحى اعلى وده طبعا بيساعد على ان مستوى المدرسه يبقى احسن وانشطتها اكتر
العامل التانى بتوقف على المدرسه نفسها والمجهود اللى بيبذله المدير او المديره والمدرسين
كل ده مالوش دعوه باللغه
يعنى ممكن تلاقى مدرسه ممتازه انجليزى فى حى ومدرسه ممتازه فرنساوى فى نفس الحى او فى حى تانى
الفرق فى موضوع اللغه بيبقى فى عدد المدارس الانجليزى اللى اقل طبعا من الفرنساوى


كل المدارس الحكوميه مافيهاش مصاريف تقريبا(مجرد مبلغ بسيط عشان الكتب)
ومش ممكن تدفع عشان تدخل طفلك فى مدرسه مالوش الحق يروحها(لانها مثلا فى حى غير اللى ساكن فيه اوبلغه مختلفه)

فيه كمان فى بعض الاحياء مدارس حكوميه مختلفه زى المدارس اللى بتدى برنامج international او بتدى نظام لغوى مختلطimmerssion linguistique 
فالطفل يدرس كل المواد الفرنساوى نص السنه وبالانجليزى النص التانى

ده مثلا رابط للاداره بتاعه مدارس مونتريال الفرنساوى
http://www.csdm.qc.ca/

ودى كل الادارات فى كيبيك
http://www.fcsq.qc.ca/RepertoireCS/Internet/liste.asp
ممكن طبعا تدخل الطفل مدرسه خاصه فى اللغه اللى انت عايزها
مصاريف المدارس الخاصه بتختلف
فيه بعض المدارس الخاصه بتاخد مساعدات من الحكومه وفى الحاله دى ممكن تحسب بين 4000 و7000 دولار فى السنه
اما المدارس الخاصه اللى ما بتاخدش مساعده فالسنه ممكن تبقى 6000 و10000 فى السنه

لو سمحتي يا مدام أجازة بالنسبة لأولادنا اللي بيدرسوا بالأنجليزي وكذلك الوضع للي بيدرسوا بالعربي هايعملوا إيه لما إن شاء الله يروحوا كيبك وقالت الحكومة الكيبيكاوية إنهم لازم يدرسوا بالفرنساوي وإحنا طبعاً عندنا أولاد في سنوات إبتدائي مختلفة هيبقي إيه العمل إزاي الولاد تكمل تعليمهم وبالفرنساوي اللي هما مايعرفوش عنه حاجة خااااااااالص
مع خالص شكري وتقديري لمجهود حضرتك


موضوع الاطفال اللى بيوصلوا مع اهلهم من غير ما يعرفوا فرنساوى موجود كتير هنا
لذلك فيه مدارس كتيره بتعمل فصول مخصوصه للاطفال اللى لسه واصلين ,بالذات فى مرحله الثانوى لان الصغيرين بيتعلموا بسرعه جدا حتى لو دخلوا على فصل عادى 
فى الاول بتبقى صعب شويه لكن المدارس بتساعدهم(خصوصا المدارس اللى فى احياء فيها مهاجرين كتير) والاولاد كمان ماشاء الله بيتاقلموا وبيتعلموا بسرعه

وادى الرابط اللى بيتكلم عن الخدمات دى
http://www.formulaire.gouv.qc.ca/cgi...er=739&table=0

رابط مهم عن نظام التعليم فى كيبيك

http://www.immigration-quebec.gouv.q...ion/index.html

زميلتي في العمل عندها بنات وعاوزه تعرف ان كان في مدينه مونتريال مدارس راهبات
وهل هي بالمصاريف ولا مجانيه
شكرا مقدما


المدارس الحكوميه هنا ملهاش صفات دينيه ولكن صفات لغويه (فرنساوى او انجليزى)
فللاسف زميله حضرتك ماينفعش تدخل اولادها مدرسه حكوميه لو عايزه مدرسه راهبات
فيه طبعا مدارس راهبات خاصه بمصاريف
للاسف ماعرفهمش كلهم لكن دى مثلا واحده
http://www.marie-clarac.qc.ca/fr/

لمعرفه الباقى ده رابط عليه المدارس الخاصه فى كيبيك
http://fr.wikipedia.org/wiki/Liste_d...du_Qu%C3%A9bec

http://privateschool.about.com/od/to...n_Montreal.htm

بالنسبه للاولاد الى مهاجرين جديد فى سن 9 سنين ياترى ايه الاوراق الى بتبقى مطلوبه من مصر علشان التقديم فى المدرسه؟؟؟؟
وهل ياترى بيبقى فى امتحان اواختبار تحديد مستوى مثلا او حاجه زى كده ليهم
ولا بيتوزعوا تبعا لسنهم علطول؟؟؟؟
كمان بالنسبه للمناهج ياترى زى الى هنا فى مصر ولا مختلفه؟؟؟؟
معلش اسئله كتير وبتعبك معايا
تحياتى لحضرتك


بالنسبه للمدارس الحكومى(مدرسه الحى اللى منطقه السكن تابعه لها) اللى بيحتاجوه هو اوراق الهجره للطفل والابوين واعتقد انهم بيدخلوه سنه معينه حسب سنه
مافيش امتحان الا لو داخل على مدارس معينه (école à projet particulier, école alternative) دول بيبقوا مدارس حكوميه ولكن متخصصه فى الموسيقى مثلا او فى الرياضه او بنظام التعلم بالمشاريع
فى المدارس دى بيبقى فيه امتحان للدخول 
بالنسبه للمدارس الخاصه فمعظمهم بيعملوا امتحان ويمكن يحتاجوا شهاده الميلاد مع ورق الهجره

نظام التعليم هنا مختلف جدا عن مصر وخصوصا ان الحكومه غيرته من كام سنه 
بصراحه صعب جدا على انى اشرح النظام الجديد لانه مافيهوش مقاييس ثابته ولكن ححاول

الفكره فى النظام الجديد هى ان الطفل يتعلم ازاى يدورعلى المعلومات ويجمعها عشان يستخدمها لحل مشكله عمليه بدل ما يحفظ معلومات عشان الامتحان وبعدين ينساهم
تقييم الطفل بيقوم على مبدا سرعه تقدمه بالنسبه لنفسه مش بالنسبه للاطفال التانيين فى الفصل

انا عارفه ان اللى يقرا الكلام ده حيقول ياسلام نظام جميييييييييل
لكن للاسف تطبيقه العملى صعب وده بيسبب مشاكل كتير لاطفال محتاجين اطار محدد للتعليم
عموما ده موضوع يطول شرحه ولكن ده مش حيغير الواقع وهو ان ده النظام الجديد هنا ولازم الاهل يتابعوا الطفل كويس اوى عشان مايتاخرش 
فى نفس الوقت ميزه النظام ده(لو اتعمل مع متابعه الاهل طبعا) انه بيطلع شباب بيعرف يفكر ويتصرف 

بالنسبه لسن 9 سنين وعشر شهور يدخل سنه كم ؟؟؟؟
وبالنسبه للاوراق انا كنت سمعت انهم بيطلبوا شهاده التطعيمات للطفل هل ده صحيح؟؟؟
ولو الاولاد مثلا بيدرسوا فرنساوى فى مصر
ايه الى ممكن نركز عليه الى بها يسهل موضوع اللغه شويه للاطفال
وبالتوفيق

بالنسبه للسن فدخول سنه اولى ابتداءى بيبقى للاطفال اللى كملوا 6 سنين فى سبتمبر
فحسب ابنك مولود فى شهر كام يدخل سنه رابعه او خامسه ابتداءئ
كل المعلومات عن الورق المطلوب والتقديم تلاقيها على الرابط ده للمدارس الحكوميه الفرنساوى فى مونتريال
http://www.csdm.qc.ca/PrescolairePri...******ion.aspx

لو الاولاد فى مدرسه فرنساوى فى مصر مش محتاجين حاجه لان لما توصلوا ان شاء الله حيتعودوا بسرعه 
لو عايزين ممكن يتفرجوا على برامج تليفزيون كيبيكى عشان يتعودوا على طريقه النطق وده رابط للتلفزيون 
http://tva.canoe.ca/
تحت émissions

وده لمدارس مدينه كيبيك
http://www.cscapitale.qc.ca/asp/listCircon******ion.asp

ممكن بقي تشرحيلي الكاليندر دي 
هي سهله بس هل الدراسه 12 شهر في السنه
انا اتلخبط
http://www.cscapitale.qc.ca/primaire...imaire_000.pdf


النتيجه دى عشان المدرسين اكتر من الطلبه
زى ما حضرتك شايف ان فيها عدد ايام العمل وعدد ايام الدراسه فى كل شهر jours de travail et jours de classe

السنه الدراسيه هنا بتبدا للاولاد دايما فى اخر اسبوع فى اغسطس وبتخلص بين 20 و23 يونيه (قبل عيد St-Jean) اللى يوم 24 يونيو
طبعا المدرسين بيشتغلوا ايام اكتر من ايام الدراسه للاولاد
اجازه الولاد بتبقى حوالى 9 اسابيع وشويه
معظم الوقت بيبقى اول ايام واخر ايام فى السنه الدراسيه اجازه للطلبه عشان يدوا فرصه للمدرسين يخلصوا اللى وراهم

فى السنه الدراسيه فيه كذا نوع اجازات
-jours de congé ايام اجازات رسميه واعياد(زى مثلا عيد العمل و كريسماس وشم النسيم Pâques)
journée pédagoqiue دى بتبقى غالبا اجازه للاولاد لكن شغل للمدرسين(تصحيح والذى منه)
congé mobile ودى بتبقى عدد من الايام الاجازه اللى المدرسه بتحطها للطوارئ زى عواصف ثلجيه جامده ولذلك الايام دى مابيبقاش محدد معادها وبيستعملوها وقت الحاجه ولو مافيش لها استخدام بيدوها برضه للولاد 

بما ان حضرتك وصلت انك تبص على ايام الاجازات المدرسيه يبقى ان اشاء الله حتنور كيبيك مع العاءله قريب

الاولاد لما يوصلوا لسن الجامعه
هل دخولهم للجامعه متوقف علي درجات يحصلوا عليها في الثانويه زي اللي في مصر
ولا كل واحد بيحدد الكليه اللي هو بيحبها ويختارها
والسؤال الثاني هل التعليم الجامعي للابناء الحاصلين علي الجنسيه الكنديه او مقيمين دائمين
مجاني او بمصروفات مقبوله ام بمصروفات عاليه 
ارجو التوضيح والاجر والثواب عند الله



هنا التعليم بيقى 6 سنين ابتداءى و5 سنين ثانوى و سنتين cegep وبعدين 3 او 4 سنين كليه 
فى اخر سنتين ثانوى الولاد بيختاروا مواد معينه حسب اتجاهم (مثلا كورس رياضه math قوى للى عايز يدرس مجال علمى) وبيقدموا للدخول فى cegep فى التخصص اللى عايزينه 
فيه تخصصات عليها طلب كتير و ال cegep بيختاروا الطلبه حسب نتيجتهم فى سنه 4 و 5 ثانوى
فى اخر سنتين ال cegep كل طالب بيبقى له تقييم )cote R) وكل كليه حسب تخصصها بيقى لها حد ادنى cote R للقبول 

يعنى فيه اختيار من ناحيه الطالب ولكن الكليات مابتاخدش اى حد حتى لو درجاته مش كفايه
بس ده مالوش علاقه خاااااالص بجنون الثانويه العامه بتاعه مصر وخصوصا ان مافيش تقريبا دروس خصوصيه ومافيش طلبه بيجيبوا 110% ومافيش فته فى القبول فى الكليات 

الطالب اللى مااتقبلش فى الكليه اللى عايزها بسبب درجاته ممكن يلاقى طرق يدخل بيها ولكن بتبقى اطول ومحتاجه شغل
مثلا لو طالب عايز يدخل هندسه عشان ياخد بكالريوس ومااتقبلش عشان درجاته مش عاليه كفايه ممكن يقدم فى جامعه فى بلد تانيه ويتقبل او ممكن يقدم على بروجرام تانى زى majeur بدل البكلريوس وبعد ما ياخد الشهاده (سنتين مثلا) وتكون درجات كويسه يقدم لدخول بكالريوس ويتقبل
او ممكن ياخد شهاده فى مجال قريب من اللى كان عايزه وبعدين يقدم للبكالريوس اللى عايزه

التعليم الجامعى هنا مدعم جزءيا من الحكومه وبيكلف تقريبا بين 3000 و6000 فى معظم الكليات فى السنه (ده يعتبر قليل جدا فى امريكا الشماليه)
طبعا فيه مساعدات حكوميهprêts et bourses
للى ماعندوش قدره يدفع


طب انا سمعت ان المصروفات الجامعيه بالنسبه للابناء يرد منها تقريبا 75% من لحكومه
والباقي يتحمله الطالب
هي دي المقصود منها المنح والقروض؟

يمكن اللى قالك علي ده يكون قصده على الضرايب

لما حضرتك بتعمل التقرير الضريبى السنوى بتحط فيه مرتبك كدخل و بتحط بعض البنود اللى بتديك اعفاء جزءى من الضرايب او بتنطرح من دخلك وبالتالى ممكن تنزلك فى شريحه عليها ضرايب اقل
من ضمن الحاجات دى بيبقى فيه بند للدراسه post secondaire للاولاد (cégep et université) 
الاعفاء اللى لك حق فيه بيتوقف على كذا عامل زى مرتبك وهل ابنك او بنتك اشتغل مثلا شويه فى السنه دى
وبعد حسابات ضريبيه ملخبطه ممكن تطلع انك تدفع ضرايب اقل بسبب مصاريف كليه الابن او البنت لكن مش بيوصل لدرجه 75% الا يمكن فى حاله اسره دخلها محدود جدا
(على فكره احنا بندفع هنا ضرايب بين 20% 50% من الدخل السنوى حسب شريحه الدخل يعنى كل ما تعمل فلوس اكتر كل ما تدفع نسبه ضرايب اكبر)

بخصوص دراسة صناعة الحلويات والمخبوزات . هل يوجد معاهد متخصصه لها؟


بخصوص دراسة الطيران في كيبك ماهي معاهد الطيران الموجوده في كيبك ؟


نصيحة لله قوله يفك من الموضوع بتاع الطيران ده أصلى قتلت الموضوع بحثا واستقصيت وعرفت كل حاجة عنه ..

1- دراسة الطيران غالية جدا جدا عن الدراسة العادية ( المتوسط بتاعها من 20 الى 30 الف دولار للسنة لو فى مكان محترم ) 

2- أحسن اختيار للمهاجر هى كلية seneca لأن فيها برنامج طيران 4 سنين بكاليريوس السنة ب 10 آلاف دولار ( ارخص بكاليريوس طيران فى كندا ) ده غير انها داخلة ضمن قرض ال osap 

3- بعد اتمام ال 4 سنوات مش هتعرف تشتغل فى شكرة طيران كويسة . لازم تقعدلك بتاع 5 سنين تشتغل فى وظائف فى شركات الطيران الصغيرة على الطائرات صغيرة الحجم أو تشتغل فى رش المزارع والحقول ... وبعدها تعمل عدد ساعات طيران يؤهلك لأنك تشتغل فى شركة طيران محلية 

4- طول الكام سنة بعد التخرج اللى بتشتغل فيهم على طيارات صغيرة وفى شركات طيران محلية بيبقى مرتبك تعبان تعبان تعبان يا ولدى ( من 2000 الى 3000 دولار) وبجد والله لأنى بحث ودخلت على blogs بتاعة طيارين كنديين وشوفت الحقيقة المرة ولاحظ انك فى الكام سنة دول هتبقى مطالب انك تشتغل وكمان تدفع الأقساط بتاعة قرض osap ( أو اى قرض دراسى عموما )

مثلا ادخل على الموقع ده وشوف رواتب الطيارين والمساعدين فى الشركات الكندية ( ركز على الشركات الصغيرة لأن دى اللى هيبدأ بيها بعد التخرج بكام سنة ) وهتلاحظ المرتبات المضروبة بالنار

http://www.airlinepilotcentral.com/airlines/canadian.html


5- لما ربنا يكرمه بعد بتاع 4 او 5 سنين من التخرج ( وشوفت ناس بتقول ان بقالها 7 و 8 سنين ) بيبقى عمل عدد ساعات طيران واكتسب خبرة تؤهله للتقديم لشركات الطيران الكبيرة زى air canada مثلا ... 

6 - باختصار ... بعد بحث شديييييييد اكتشفت ان وظيفة الطيران فى اوروبا والدول المتقدمة 

ولو بحثت فى jobfutures هتلاقى ان نسبة البطالة بين الطيارين وشغلانات الطيران عموما أكبر من النسبة بين المحاسبين مثلا ده غير ان الطيارين الكويسين مرتبهم لا يزيد عن مرتب المحاسب مثلا .. ده غير ان نسبة الطيارين ال self employed اعلى ( يعنى لا مؤاخذة واحد جايب طيارة وبيأجرها بالسواق ) ونسبة اللى شغالين part time برضه اعلى من المحاسبين مثلا .. وبعدين الطيار بيخضع لكشف طبى كل فترة .. يعنى الواحد لو كبر شوية وصحته هكعت يبقى مع السلامة تروح تطير طيارة ورق 


7- لو لسة صاحبك مصر ونفسه ماتسدتش بعد اللى انا قولته ده ... يبقى هديك رابط لأكتر الكليات الكندية اللى عاملة برنامج طيران مناسب جدا من حيث الجودة والسعر وكمان داخل فى قروض الطلبة osap بتاعة اونتاريو ... وتقريبا هى الكلية الوحيدة فى كندا اللى بتدى بكاليريوس طيران والباقى دبلومات ... مش شغلانة مرموقة اوى زى عندنا فى الشرق السعيد 

http://aviation.senecac.on.ca/

وكمان الكلية دى موجود فى ال staff بتاعها البروفيسور 
adel labib
Academic Coordinator 



ايميله adel.labib AT senecac.on.ca

وفى برضه 
Ahmed Elrodesly 

ahmed.elrodesly AT senecac.on.ca.

أو يجيب ايملات ال staff كله من الموقع ويستفسر عن اى حاجة تانية ..


بس نصيحة لله ... أى وظيفة تتعلق بالهندسة أو البيزنس والمحاسبة والأدارة أفضل 100 مرة من البهدلة اللى شوفت الطيارين دول بيتكلمو عنها ده غير ان طبعا شغلانة الطيران فى نسبة risk ..

لو ممكن الرابط اللذي يحتوي على المدارس الانجليزيه في كيبك


بالنسبه لمدارس الحكومه ده رابط بكل الادارات التعليميهcommisions scolaires ( فرنساوى وانجليزى) فى كل مناطق ومدن مقاطعه كيبيك
حسب منطقه السكن والمدينه تشوف تبقى تبع اى اداره وتاخد اسمها وتعمل بحث بيه على جوجل عشان تلاقى موقع الاداره وعلى الموقع حتلاقى المدارس التابعه لها

مثلا لو اخدنا مونتريال :
فيها ادارتين هما

Commission scolaire English Montreal 
Commission scolaire Lester-B.-Pearson 
دول مواقعهم

http://www.lbpsb.qc.ca/eng/main.asp

http://www.emsb.qc.ca

عل كل موقع حتلاقى المدارس من ابتداءى لثانوى

والرابط ده عليه المدارس الخاصه

http://www.ourkids.net/school/advanced-search.php

أنا كنت عايز أسأل هيا مهنة التدربس في كيبييك ليها وضعها المادي والأدبي ولا زي مصر ....
وفي رأي حضرتك أيه هي المشاكل اللي ممكن المدرس المهاجر الجديد يوجها في البداية من الطلاب أو أدارة المدرسة بشكل عام ؟
وحضرتك لو أنا عندي الفرصة متساوية إني أشتغل في التدريس والسياحة حضرتك ترشحيلي أيه؟ وليه؟
أنا آسف أني طولت عليكي بالآسئلة لكن للآسف أنا مش لاقي أي كلام عن المدرسين في أي مندى هجرة كله عن الطب والصيدلة والهندسة . شكله أنكتب علينا أننا نكون على الهامش في أي حتة

بالنسبه للوضع الادبىى فدى مش مشكله لان كل المهن لها احترامها
المرتبات معقوله بس المهم تلاقى شغل داءم وده طبعا مساله توفيق من عند ربنا وحسب حتعيش فين
كل ما تبقى فى مدن كبيره بيبقى فيه فرص شغل كتير وفى نفس الوقت فيه منافسه كتير
الدراسه او المعادله عشان تشتغل مدرس طبعا اطول من مجال السياحه اللى ممكن تبدا فيه بدبلوم 
لو المدرسه فى حى كويس(مش من الاحياء الفقيره) مستوى الطلبه حيبقى كويس ومش حتلاقى صعوبه 
عموما لحد ماتعمل معادلتك حيبقى بقالك كام سنه هنا وبالتالى مش حتكون مهاجر جديد
لو تبقى مدرس فى ال cégep حيكون مرتبك احسن من التدريس فى ابتداءي او ثانوى
الايام دى السياحه نايمه لكن المفروض تتحسن فى السنين الجايه
الاختيار بين التدريس والسياحه ده اختيار شخصى
التدريس طريقه اطول ولكن مرتبه احسن وشغل مستقر اكتر
السياحه ممكن تشتغل فيها اسرع لكن الشغل مش مضمون و المرتب عموما اقل
ادى كام رابط معلومات

http://www.immigration-quebec.gouv.q...nseignant.html

http://www.immigration-quebec.gouv.q...n-comparative/

http://www.websysinfo.uqam.ca/regis/...ur?p_secteur=9

http://www.mels.gouv.qc.ca/gr-pub/m_englis.htm

http://www.immigrer.com/faq/sujet/Pe...concours-.html

مدرسة الإمام علي بن ابي طالب (ع) في مونتريال

من ضمن جولاتنا للتعريف بالمدارس الإسلامية في مونتريال التقينا مدير مدرسة الإمام علي بن ابي طالب في مونتريال فضيلة الشيخ بلال الجندي واجرينا معه الحوار التالي حول نشاة المدرسة والمشاكل التي تواجهها المدارس الأسلامية وسبل مواجهتها ...

مونتريال من وسيم بلوق
جريدة صدى المشرق

متى تأسست المدرسة وكيف كانت نشأتها، وما هي المصاعب التي واجهتكم ؟
مدرسة الإمام علي بن أبي طالب هي مؤسسة تربوية خاصة تأسست سنة 1991 ونالت إجازة في التعليم التمهيدي والابتدائي من وزارة التربية الكيبكية سنة 1993 ثم إجازة في التعليم الثانوي سنة 1996.
صفوفها روضة– تمهيدي– ابتدائي – ثانوي (حتى الثالث للعام الدراسي الحالي: 2003-2004).
لغاتهـــا : لغة التعليم الأساسية هي الفرنسية بالإضافة الى اللغتين العربية والإنجليزية.
مقرراتها : تعتمد المدرسة مقررات وزارة التربية الكيبكية ويخوض طلابها الامتحانات الرسمية أسوة بباقي المدارس الحكومية وهي تختار قبل بدء كل عام دراسي أحدث وأفضل الكتب المدرسية من حيث الشكل و المضمون، ثم تقوم بتدعيمها بالوسائل المساعدة في جعل المواد التعليمية غنية وسهلة الفهم.
مادة التربية الدينية تولي المدرسة مادة التربية الدينية عناية خاصة وهي تلتزم منهج الاعتدال في التعليم والتطبيق وذلك دون افراط أو تفريط.
الجهاز التربوي مؤلف من مدرسات ومدرسين ذوي خبرة وكفاءة عاليتين وجميعهم مجازون في التربية و التعليم من وزارة التربية الكيبكية.
الجهاز الإداري مؤلف من خبيرة تربوية ذات أكثر من ثلاثين سنة خبرة في إدارة التعليم، هذا بالإضافة الى إداريين متخصصين في حقل التربية و التعليم.

هل هناك مشاكل تربوية وأخلاقية، وكيف تتم معالجتها إن وجدت "كما في المدارس الرسمية "؟
لا بد أن يترافق كل عمل جديد مع عثرات و صعوبات والتي يمكن توصيفها بالمصاعب التأسيسية الطبيعية و التي من شأنها تصويب مسيرة المؤسسة وتدعيم خطواتها وذلك عبر استقراء صحيح للأخطاء، وإيجاد حلول جيدة و طويلة المدى.
و لعل أكبر مشكلة واجهتها المدرسة هي مشكلة المواصلات و ذلك في يوم افتتاح العام الدراسي الأول و بالتحديد في اليوم الثامن من شهر أيلول سنة 1993 حيث أخلّت شركة المواصلات الكندية بجميع التزاماتها وهددت سلامة الطلاب فسارعت المدرسة الى مقاضاة الشركة التي اضطرت الى إشهار افلاسها بعد فترة وجيزة.اثر ذلك سارعت المدرسة الى تأسيس شبكة مواصلات أضحت تغطي بعد عشر سنوات من العمل الدؤوب معظم مناطق مونتريال و لافال و الضواحي.
لا تخلو مؤسسة تربوية من مشاكل تربوية أو أخلاقية بل تكاد تكون جزأ لا يتجزأ من العمل التربوي و ظيفة من و ظائفه الحتمية.
و سر نجاح أي عمل تربوي يكمن في قدرته على احتواء المشاكل و إيجاد حلول سريعة فعالة لها و بالتالي بناء استراتيجية لإدارة الأزمات.
وبفضل الله، فقد استطاعت مدرسة الإمام علي بن أبي طالب خلال مسيرتها المشرقة أن تؤسس لاستراتيجية ادارة أزمات ذات رؤى واضحة و ثوابت أخلاقية قائمة على الإيمان والإلتزام حازت إعجاب وزارة التربية وجميع الأطراف المعنية من جهاز شرطة و جهاز حماية الأطفال و غيرهم من المعنين.

في العام الدراسي 2001- 2000 إحدى طالبات الصف الرابع ابتدائي أحرزت المركز الأول في مسابقة في اللغة الفرنسية من بين 24 ألف متبار، هل هناك من مراكز أخرى جديدة وما هو ترتيب مستوى مدرستكم بالنسبة للمدارس الأخرى (الخاصة والرسمية)؟
في العام الدراسي 2000-2001 أثبتت المدرسة عن كفاءة تعليمية عالية وذلك منذ السنة الأولى حيث تفوق طالبان من الصف السادس ابتدائي في الامتحانات الرسمية بمعدل 100/100 ومازالت المدرسة تحقق أفضل النتائج وتحصد أهم الجوائز حيث أن احدى طالبات الصف الرابع ابتدائي انتزعت المركز الأول في مسابقة في اللغة الفرنسية من بين 24 ألف متبار خلال العام الداراسي 2000-2001 كذلك تلقت مؤخرا إحدى الطالبات أرفع جائزة امتياز تربوية من طرف الحاكمة العامة لمقاطعة كيبك الكندية.

في العام الماضي أنشأ تجمع للمدارس الإسلامية الخاصة، أين أصبح هذا التجمع وماذا حل به؟
كان من الطبيعي أن تسارع مدرسة الإمام علي بن أبي طالب للمشاركة في تأسيس تجمع للمدارس العربية التزاماً منها بالمصلحة العامة لجاليتنا الكريمة التي نعتقد أنه لن يقوى عودها الا بالوحدة و التجمع على المصلحة العليا و لكن المؤسف أن يسقط المشروع على مفترق المصلحة الفردية و المصلحة العامة أو ان شئت على مفترق الواقع و المرتجى فهذا هو واقعنا المؤسف ان ننجح افرادا و نفشل جماعات. نسأل الله أن يجمعنا على الخير و أن يوحد شملنا.

كيف تعملون على تطوير المدرسة وما هي مشاريعكم المستقبلية ؟
بالإضافة الى الخدمات التربوية تقوم المدرسة بأنشطة ثقافية ورياضية وفنية متعددة. فللمدرسة فريق للإنشاد يشارك في إحياء الاحتفالات المدرسية .
كذلك تبنت المدرسة منهجا رياضيا جديدا يجمع بين الفروسية العربية الأصيلة و الألعاب الدفاعية الصينية يشرف عليه الأستاذ بهاء الزعبي رئيس أتحاد الفروسية في كيبك.
كما أنها تصدر مجلة مدرسية ثقافية عامة وهي تقوم دوريا بالتنظيم والمشاركة في المباريات التربوية والرياضية داخل مدينة مونتريال وضواحيها .كذلك فإنها تنظم عددا من الرحلات التربوية والترفيهية العامة خلال العام الدراسي.
مشاريعها المستقبلية تسعى المدرسة لكي يكون لها مقر واسع ثابت يلبي احتياجات وتطلعات أبناء جاليتنا الكريمة.
شكر وتنويه تشكر المدرسة كل من ساهم وما زال يساهم في إنجاح مسيرتها التربوية و كذلك تتقدم المدرسة من أسرة صدى المشرق بوافرالشكر والتقديرعلى الجهود الطوعية التي تقدمها التزاما منها في إظهار فعالية الجالية و كفاءاتها عبر دعم مؤسستها.

إرسال تعليق

33 تعليقات

  1. السلام عليكم، أنا حصلت على CSQ وأريد أن اتقدم للحصول على فيزا, أريد أن أعرف كم من الوقت يجب أن انتظر للحصول عليها, علماً أني أعيش في فرنسا.
    J'ai encore une question s'il vous plait, est ce que je dois présenter une demande de viza permanante ou temporaire? j'ai une question encore concernant ma femme, combien elle a besoin de temps pour avoir son visa , malgré qu'elle n'a pas obtenu encore son CSQ.
    Cordialement
    ahmad

    ردحذف
  2. السلام عليكم ورحمة الله
    شكرا جزيلا على الموضوع الشيق, كنت ابحث كثيرا في المنتديات عن الامور اللي بتتعلق بالمدارس الحكومية الانجليزية ( المجانية) الحمدالله استفدت من معلومات حضرتك.
    بس عندي استفسار بسيط: المدارس المجانية الانجليزية بيقدر المهاجر يدخلها عادي من دون اي شروط لان ابني لما نروح كيبيك حيكون اول ابتدائي انشاءالله وهو دارس في انترناشيول سكول انجليزي في جدة فانا خايفة ان لما نروح ما يستقبله انجليزي يقولوا لازم فرنسي.... ممكن التوضيح هذه النقطة لو سمحت
    شكرا

    ردحذف
  3. محمد الكندى1 يناير 2012 في 3:32 م

    لأة طبعا , الحكومة الكندية بتوفر دعم ومنح للطلاب الوافدين فى بداية مراحل تواجدهم وحياتهم فى كندا , وهناك مدارس اسلامية كندية , أو يمكن للطلاب الوافدين أن يدخلو مدارس كندية أنجليزية أو فرنسية لكى يندمجو مع الحياة الكندية , من خلال موقع الحكومة الكندية

    The Citizenship and Immigration Canada (CIC) website is your best source of information about immigrating to Canada, settling in Canada,
    http://www.cic.gc.ca/english/index.asp

    ردحذف
  4. ايهاب سمير على1 يناير 2012 في 3:35 م

    بالفعل يوجد أعانات للطلاب الوافدين لكن ليس كل الطلاب الوافدين , أنا لا أقصد أن هناك تمييز , لكن هذة الحقيقة , خير ان شاء الله ستجدى المجتمع الكندى مجتمع راقى جدا وستتعرفيون على كل شئ بمجرد تواجدكم فى كندا ,

    نتمنى لكم التوفيق والنجاح باذن الله

    ردحذف
  5. شطرا على الرد
    بالفعل الناس ضيعتني كتير
    الكل قال لي لو ابنك بيدرس بمدارس انجليزية لما يروح مونتريال اجباري يدرس بمدارس فرنسية ممنوع يدخل مدارس حكومية انجليزية لان المقاطعة فرنسية... انا بدي ادخله مدرسة مجانية
    انا فعلا ضعت

    ردحذف
  6. عندي لو سمحت بعض الاسئلة:
    نحن حنقدم اوراقنا لمكتب لندن لاننا ساكنين في جدة المملكة العربية السعودية وحيكون تعاملنا معاهم.
    لما يطلبوا المقابلة حتكون وين في جدة او وين؟؟
    السؤال الثاني: لو بدنا نروح مونتريال مجبورين نعمل امتحان تحديد المستوى باللغة الفرنسية؟ لان بالguide مش قايلين اي شي عن امتحان اللغة.... انا وزوجي french educated وفي اثباتات من الجامعة والمدرسة ان نحن دارسين فرنسي طول حياتنا هالشي كافي او مجبورين نعمل امتحان اللغة؟
    سؤال ثالث: لو وصلنا على مونتريال وقعدنا كام يوم وحبينا ننتقل على مقاطعة انجليزية.. هالشي مسموح؟ او منتعرض لمساءلات؟
    sorryyyy طولت عليك

    ردحذف
  7. لسلام عليكم
    معكم فريد من الجزئــــــر
    نشكركم على هذا الموقع الرائع جدا موقع عرب كندا والله ولله الحمد وجد فيه الكشير من الإجابات ولكن بس سؤال واحد ملهش جواب هو أني حاصل على شهادة ليسانس في العلوم الإقتصادية وزوجتي شهادة دراسات عليا في البيولوجيا وربي رزقنا ببنت حلوة والحمد لله
    السؤال . نحن عائلة محافظة بالإضافة الى أنني ملتحي وزوجتي ترتدي الجلباب يعنى الحجاب الشرعي ونحن بنحضر ملف الهجرة الى كبييك للعمل وراح تساعدنا عائلة من أقارب زوجتي مقيمة في كبييك ( مونتريال ) منذ أكثر من 5 سنوات تقريباً يعني الذهاب راح يكون سهل بعد الحصول على الفيزا ولكن هل بإمكاننا العمل هناك ولو عمل في غير تخصصنا مع العلم كما سبق وقلتلكم أنني ملتحي وزوجتي بترتدي الجلباب
    فأرجو الإجابة على السؤال في أقرب وقت

    ردحذف
    الردود
    1. أخى العزيز فريد , طبعا تقدر تشتغل فى مجال وتخصصات أخرى أنت وزوجتك , متقلقشالحكومة الكندية بتستجيب وتقدر كل الظروف وهناك العديد من الوظائف التى سوف تناسبك وتناسب زوجتك , لكن لو تريد أن تعمل فى مجال عليك بمعادلة شهادات بالكندية لأن دة ألإضل طريق للعمل فى كندا , وطبعا هتكتسب الخبرة الكندية الى هتساعدك طبعا فى التأقلم مع الحياة والعمل فى كندا ...

      بالتوفيق والنجاح باذن الله
      أخوكم محمد

      حذف
  8. فريد من الجزائر
    شكرا لك الأخ محمد المصري على هذا الرد السريع والله إجابتك فتحتلي الشهية أكثر وأعطتني الأمل أكثر في تحقيق أملي إن شاء الله والشكر الثاني أوجهه للقائمين على هذا الموقع الجد رائع موقع عرب كندا وإنشاء الله نجاحات أكبر

    ردحذف
  9. عبدالرحمن الشهير ب زويل10 يوليو 2012 في 10:52 ص

    انا مصرى عندى 18سنه خلصت ثانوى عام بمحموع 98%فكنت عايز اعرف ازاى اسافركندا للدراسه ثم التحضير وهل سهل حصولى على الفيزا ولا لا وكنت عايز اعرفالتكاليف واهم الاوراق المطلوبه ويا ريت بالاضافه الى تكاليف اكبر جامعه كنديه وانا عايز ادرس مجال هندسة كمبيوتر وهل من الممكن ان ادرس مجال اخر بعد التخرج من مجالى هذا واريد ان اعرف سعر الفيزا والتذكره واى معلومه تفيد وشكرا انا متاسف طولت عليكم

    ردحذف
  10. السلام عليكم اخي
    انا شاب سوري حاصل على شهاة البكلوريا السورية هذه السنة بمعدل جيد جدا
    ومعي شهادة التوفيل في اللغة الانكليزية وشهادة في قيادة الحاسوب
    هل من الممكن ان احصل فيزا دراسية في كندا في مونتريال حيث يوجد لي الكثير من الاقارب الحاملين للجنسية هناك ؟؟

    ردحذف
  11. السلام عليكم

    أنا زوجتي بتسافر علشان تدرس بكالوريوس في كندا و حيكونوا الاولاد معاها مرافقيين (فيزة مرافق دراسة) فهل من الممكن إنهم يدخلوا المددارس الحكوميةو لا لازم أدخلهم مدارس خاصة على حسابي؟؟ و لو بينقبلوا في مدارس الحكومة هل هي بدون رسوم و لا تكلفتها عالية؟؟؟
    مع العلم بأنهم بيدرسوا بالمرحلة الابتدائية بمدارس international باللغة الانجليزية و منهجهم أمريكي.

    مع جزيل الشكر

    ردحذف
  12. السلام عليكم انا مصطفى من الجزائر
    بداية....الشكر الجزيل للقائمين على هذا الموقع..والله يا اخواني لم اجد الا هذا الموقع تقريبا الوحيد الذي يعطي معلومات بدون مقابل ماجورون ان شاء الله
    اخواني انا مهندس تخصص هندسة كيميائية و عندي دبلوم Master of Science in Oil and Gas Production Engineering حاصل عليه من طرف IFP School/IFP Training/IAP Spa في دورة مكثفة لمدة قاربت عامين(الدراسة كانت بالانجليزية بعد حصولي على الايلتس) وعندي خبرة عامين في شركة بترولية حصلت خلالها على -IWCF -Well Control
    الشركة التي اعمل بها تتعامل بالفرنسية التي اجد فيها صعوبات على الرغم من ان دراستي الجامعية كانت بالفرنسية(افهم التقنية و لا اتكلم بها) والانجليزية بدات انساها لقلة التعامل بها و الايلتس انتهت صلاحيتها اريد الهجرة و اكمال الدراسة الماجستير في الكيمياءو حبذا لو وجدت فرصة للعمل و الاقامة الدائمة هناك اتصلت ببعض الوكالات و مكاتب محامات بكندا و نصحوني بالتقدم تحت تطبيق FSW بدبلوم oil and gas الموجودفي قائمةNOC لكن علي الحصول على الايلتس و طلبوا دفع مبالغ التقدم و دفع وملء الاستمارات مع العلم اني اعزب عمري 30 سنة. بماذا تنصحونني؟ هل ممكن اتفادى التقدم للايلتس؟ ام اتقدم للكبيك؟ هل من الاحسن لو املاء الاستمارات وحدي و استغني عن خدمات مكاتب المحامات ذات التكلفة الباهضة؟ هل توجد قرعة عشوائية؟ متى تبدا التسجلات و متى تنتهي (لسنة2014)؟ هذا ايميلي ارجوا ممن يستطيع الرد ان يراسلني عليه ....اسمحوا لي اطلت عليكم و مشكورين على صبركم

    ردحذف
  13. انا مصطفى الجزائري الايميل: m.chempro@hotmail.fr

    ردحذف
  14. ماذا عن دراسة الطب ..هل لابد من دراسة العلوم 3 سنوات قبل الالتحاق بكلية الطب

    ردحذف
  15. انا مهندس صرلي ٣اشهر اريد معرفة الطريق للبدء بتعديل شهادتي. وشكرا جزيلا

    ردحذف
  16. انا عايزة اكمل دراسة اولادي بكيبك وزوجتي مرافقه معاهم عندي تلات اولاد جريد7 وجريد 6 وجريد4 يا ترى تكاليف الدراسه ايه ارجوا الافادة

    ردحذف
  17. واذاي احصل ع تاشيرة الدراسه وممكن حد يكتب لي اسم مدرسه غير باهظة التكلفه اكون شاكر لكم

    ردحذف
  18. واذاي احصل ع تاشيرة الدراسه وممكن حد يكتب لي اسم مدرسه غير باهظة التكلفه اكون شاكر لكم

    ردحذف
  19. يعطيكم العافية
    أود النصيحة عن أفضل مدارس إسلامية في كيبيك مونتريال بالإضافة إلى التكلفة السنوية
    وماذا عن المناهج التعليم الجنسي في مدارس الدولة أو المقاطعة افيدوني بالتأكيد لا أريد تعليم أولاديبالمدارس التي تتضمن مناهج جنسي

    ردحذف
  20. ياللا تعالى احجز مكانك فى مركز النور المتخصص فى تدريس معادلة كلية الهندسة
    فهو من افضل المراكز الخبرة فى معادلة كلية الهندسة معاه هتقدر تفهم منهج معادلة كلية الهندسة و هتجتاز امتحان معادلة كلية الهندسة بكل سهولة ان شاء الله
    اتصل بنا على :01093189974
    www.معادلة-كلية-الهندسة.com/

    ردحذف


  21. معادلة كلية الهندسة جامعة القاهرة
    اذا كنت تريد عمل معادلة كلية الهندسة فعليك التوجه الي مركز النور فهو به نخبه من افضل المدرسين و الاساتذه اللي هتساعدك في شرح مواد معادلة كلية الهندسة جامعة القاهرة و بأفضل الاساليب لكي تجتاز الامتحانات بسهوله
    اتصل بنا علي الرقم 01093189974 – 0111612616161
    http://www.engelnour.com

    ردحذف
  22. انا من الجزائر داهب للدراسة في كندا رفقة العائلة لدي اولاد في الابتدائي هل استفيد من التعليم المجاني رجاءا اجبوني من فضلكم

    ردحذف
  23. لو تكرمتم افيدونى اريد دراسة كورسات لغة انجليزية تابعة الى جامعة مرموقة مدعومة من الحكومة بالاضافة الى عمل
    ولكم جزيل الشكر والتقدير

    ردحذف
  24. وتكون دراسة كورسات اللغة الانجليزية بكيبيك مونتريال كندا.
    ولكن وافر التحية

    ردحذف
  25. شكرا للمعلومات القيمة
    ممكن تذكري شو المقصود بالأحياء الفقيرة؟ وكيف تصنف على انها فقيرة؟
    و أيضا ممكن تسمية بعض الأحياء الراقية أو الجيدة في مونتريال للبحث عن سكن جيد وغير مكلف؟

    ردحذف
  26. السلام عليكم:انا مواطن تونسي واني انا طالب لجوء الحين في بريطانيا و للاسف طلبي هدا رفض رغم اني صحيح مهدد.انا لي 20 سنة خبرة في الالكترنيك في مجال الغاز و البطرول.متزوج ولي اثنين اولاد.عندي فيزا لكندا.من فضلكم ,هل استطيع المجيئ الى مونتريال لطلب اللجوء هناك؟من فضلكم ساعدوني يا خواتي لانني اتعدب انا و اولادي هنا في بريطانيا

    ردحذف
  27. أزال المؤلف هذا التعليق.

    ردحذف
  28. السلام عليكم
    جزاك الله خيرا على المعلومات بعاليه
    انا لسه حديث و معروض عليا اني اهاجر مع الاعائلة الي مونتريال لانه متوفر لي عمل هناك و كنت حابب اعرف شوية حاجات

    1) ايه افضل اماكن السكن اللي توفر للبنات افضل المدارس الانجليزية
    2) البنات عندي في مراحل مختلفة ، و منهم 2 تعليم لغات بس انجليزي و كنت بعلمهم في السعودية فهل مستحب اسيبهم سنة دراسية الاول بمصر و لا اخدهم على طول معايا
    3) ايه افضل خطط ممكن اعملها لو ان المنزل على الشركة
    4) ايه اهم الاوراق الخاصة بالبنات اللي ممكن احضرها معايا
    5) فيه قرصات معينة و لا ايه

    ممكن التكرم بارسال نسخة من الرد على الايميل amr.hakam@gmail.com
    و جزاكم الله كل خير

    ردحذف
  29. من فضلك. عاوزه اسال عن التعليم ال sexual في المدارس العامه وهل سيتم فعلا تطبيقها وهل سيتم دراسته حتي في الفصول الترحيبيه؟

    ردحذف
  30. السلام عليكم جييلي عقد عمل بشركة بمونتريال عن طريق المفوضية السامية وبعتولي اسم المدرسة ايكول دي مونتريال وانا اولادي 8و10و13ينى وميعرفوس فرنساوي هل لازم الدراسة فرنساوي ولا ممكن انحليزي

    ردحذف